Les mots surlignés font l'objet d'une note
1Monseigneur, incontinant avoir receu votre missive du XXXe du passé
2et bon advertissement touchant la garde de notre ville, la recherche
3a esté faicte generallement par les cappitaines senteniers qui ont promis
4y celle continuer du moings deux foys la sepmayne ; quant aux
5portes, celle de Lesquyer est gardée journellement par six notables,
6assavoir lung de nosseigneurs de la court, lung de nosseigneurs
7de la chambre ou des finances, ung advocat, ung procureur et deux
8autres ; celles de la Perrière et St Laurentz sont gardées la chacune
9par quatre, assavoyr ung chanoyne, ung des gresfiers de la
10cour ou des comptes et deux des citoyens marchandz, ainsi
11quest contenu au reglement jà observé des deux moys ; tellement
12monseigneur, que nous croyons que moyennant l’ayde de
13Dieu et la bonne volanté des sieurs cappitaines qui sont
14en la ville, nous eviterons les entreprinses des ennemys,
15encores que les marché se treuvent dans la ville à la
16constinue.
17Monseigneur, nous vous mercions très humblement le bien quil
18vous plaict faire à maître Flori pour son eslargissement et
19supplirons le Createur quil vous tienne en sa saincte garde.
20A Grenoble, ce IIIme febvrier 1574.
21Voz très humbles et obeissantz serviteurs les
22consulz de Grenoble
23Surville s(ecretai)re